തിരുവനന്തപുരം: സംസ്ഥാന സർക്കാരിന്റെ ഓണം വാരാഘോഷത്തിന് വർണാഭമായ സമാപനം കുറിച്ച് സാംസ്കാരിക ഘോഷയാത്ര ചൊവ്വാഴ്ച തലസ്ഥാന നഗരിയെ അമ്പരിപ്പിക്കും. വൈവിധ്യമാർന്ന കലാരൂപങ്ങളും ഫ്ലോട്ടുകളും അണിനിരക്കുന്ന ഘോഷയാത്ര വെള്ളയമ്പലത്ത് നിന്ന് ആരംഭിച്ച് കിഴക്കേക്കോട്ടയിൽ അവസാനിക്കും.
വൈകിട്ട് 4 മണിക്ക് വെള്ളയമ്പലത്തെ മാനവീയം വീഥിയിൽ വെച്ച് കേരള ഗവർണർ ആരിഫ് മുഹമ്മദ് ഖാൻ പതാക ഉയർത്തുന്നതോടെ ഘോഷയാത്രയ്ക്ക് തുടക്കമാകും. ഘോഷയാത്രയുടെ വരവറിയിച്ച് 51 കലാകാരന്മാർ ശംഖനാദം മുഴക്കും. ടൂറിസം മന്ത്രി പി.എ. മുഹമ്മദ് റിയാസ് പ്രധാന കലാകാരന് കൊമ്പ് കൈമാറി താളമേളങ്ങൾക്ക് തുടക്കം കുറിക്കും.
ആയിരക്കണക്കിന് കലാകാരന്മാർ അണിനിരക്കും
സംസ്ഥാന സർക്കാരിന്റെ വികസന പ്രവർത്തനങ്ങൾ ചിത്രീകരിക്കുന്ന അറുപതോളം ഫ്ലോട്ടുകൾ ഘോഷയാത്രയുടെ പ്രധാന ആകർഷണമാകും. ഇതിനു പുറമെ 91 ദൃശ്യ-ശ്രാവ്യ കലാരൂപങ്ങളും ഇന്ത്യൻ ആർമിയുടെ ബാന്റ് സംഘവും ഘോഷയാത്രയിൽ അണിനിരക്കും.
'നാനത്വത്തിൽ ഏകത്വം' എന്ന പ്രമേയം മുൻനിർത്തി ജാർഖണ്ഡ്, ഉത്തർപ്രദേശ്, മധ്യപ്രദേശ്, മഹാരാഷ്ട്ര, ആന്ധ്രാപ്രദേശ്, തെലങ്കാന, കർണാടക, തമിഴ്നാട് എന്നിവിടങ്ങളിൽ നിന്നുള്ള നാടൻ കലാകാരന്മാരും ഘോഷയാത്രയുടെ ഭാഗമാകും. കേരളീയ പൈതൃകവും സിനിമയും സാഹിത്യവും ഉൾപ്പെടെ വിവിധ വിഷയങ്ങളെ ആസ്പദമാക്കിയുള്ള ഫ്ലോട്ടുകൾ കാണികളിൽ കൗതുകമുണർത്തും.
ഒരു പോയിന്റ് കടന്നുപോകാൻ ഏകദേശം ഒന്നര മണിക്കൂറെടുക്കുമെന്ന് കണക്കാക്കുന്നു. പബ്ലിക് ലൈബ്രറിക്ക് മുന്നിലും യൂണിവേഴ്സിറ്റി കോളേജിന് മുന്നിലും മ്യൂസിയം ഗേറ്റിന് സമീപത്തും പ്രത്യേക സ്റ്റേജുകൾ ഒരുക്കിയിട്ടുണ്ട്. ഘോഷയാത്ര കാണാനെത്തുന്ന വിദേശ വിനോദസഞ്ചാരികൾക്കായി വി.വി.ഐ.പി. പവലിയന് സമീപം പ്രത്യേക സൗകര്യങ്ങളൊരുക്കും.
ഘോഷയാത്ര നടക്കുന്നതിനാൽ ഉച്ചയ്ക്ക് ശേഷം നഗരത്തിൽ ഗതാഗത നിയന്ത്രണം ഏർപ്പെടുത്തും. എന്നിരുന്നാലും കാണികൾക്ക് സൗകര്യപ്രദമായി യാത്ര വീക്ഷിക്കാൻ ക്രമീകരണങ്ങൾ ഒരുക്കും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
newsquilon@gmail.commgpratheeshmail@gmail.comsaandesh@gmail.compratheesh.pgn@gmail.com janeeshanchumana@gmail.com janeeshanchumana@gmail.com hariprasadganga@gmail.com >, radiosaanthwanam90.4fm@gmail.com < radiosaanthwanam90.4fm@gmail.com >, < jerinjoy@mm.co.in >,