തിരുവനന്തപുരം: അനന്തപുരി സാംസ്കാരിക നിലയത്തിൻ്റെ പ്രവർത്തന കൂടിയാലോചനാ യോഗം ജൂലൈ 29-ന് ചൊവ്വാഴ്ച സെക്രട്ടറിയേറ്റിന് സമീപമുള്ള പത്മ കഫേയിൽ നടന്നു. ചെയർമാൻ ഡോ. എ. ജഹാംഗീറിൻ്റെ അധ്യക്ഷതയിൽ ചേർന്ന യോഗത്തിൽ ജനറൽ സെക്രട്ടറി പൂഴനാട് സുധീർ സ്വാഗതം ആശംസിച്ചു. മുതിർന്ന പത്രപ്രവർത്തകൻ കലാപ്രേമി ബഷീർ ബാബുവും എം.എ. റഹീം ബാലരാമപുരവും ആശംസാ പ്രസംഗങ്ങൾ നടത്തി. വൈസ് ചെയർമാൻ വഞ്ചിയൂർ പ്രഭാകരൻ നന്ദി രേഖപ്പെടുത്തി.
പ്രധാനമായും കമ്മിറ്റി പുനഃസംഘടന, ഏഴാം വാർഷികം, 2025-ലെ ഓണാഘോഷം എന്നിവയായിരുന്നു യോഗത്തിൻ്റെ അജണ്ട.
കമ്മിറ്റി വിപുലീകരണം
ജനകീയവും ജനാധിപത്യപരവുമായ രീതിയിൽ കമ്മിറ്റി പുനഃസംഘടിപ്പിക്കുന്നതിന് മുന്നോടിയായി, കൂടുതൽ പ്രതിനിധികളെ സംഘടനയിൽ എത്തിക്കുന്നതിനായി താൽക്കാലികമായി നിലവിലുള്ള കമ്മിറ്റി വിപുലീകരിക്കാൻ തീരുമാനിച്ചു. ചെയർമാൻ ഡോ. എ. ജഹാംഗീറും ജനറൽ സെക്രട്ടറി പൂഴനാട് സുധീറും തൽസ്ഥാനങ്ങളിൽ തുടരും.
പുതിയ വൈസ് ചെയർമാൻമാരായി അഡ്വ. ജയകുമാർ, പ്രഭാകരൻ വഞ്ചിയൂർ, കുന്നത്തൂർ ജെ. പ്രകാശ്, ഷീല വിശ്വനാഥ്, അഡ്വ. ഫസീഹ റഹീം, ജഗദീഷ് ജെ. നായർ, ജലജ ജയകുമാർ എന്നിവരെയും, കൺവീനർമാരായി ബിന്ദു ഹരി, സബിത ജയരാജ്, പി. വിജയൻ, അശ്വതി പൂജപ്പുര, ദുർഗ ആര്യശാല, പ്രസിലൻ പൗണ്ടുകടവ്, ദീപ തിരുമല എന്നിവരെയും തിരഞ്ഞെടുത്തു. ട്രഷററായി ബീന കൃഷ്ണനെ നിയമിച്ചു.
വാർഷികവും ഓണാഘോഷവും
സംഘടനയുടെ ഏഴാം വാർഷികവും ഓണാഘോഷവും വിപുലമായ രീതിയിൽ സെപ്റ്റംബർ മാസം നടത്താനും യോഗത്തിൽ തീരുമാനമായി.
പുതിയ ഭാരവാഹികൾക്കുള്ള നിർദ്ദേശങ്ങൾ
പുതിയ ഭാരവാഹികളായി തിരഞ്ഞെടുക്കപ്പെട്ടവരെല്ലാം വാട്സ്ആപ്പ് ഗ്രൂപ്പിൻ്റെ അഡ്മിൻമാരായിരിക്കും. ഓരോ ഭാരവാഹിയും തങ്ങളുടെ നേതൃത്വത്തിൽ, അച്ചടക്കവും ഉത്തരവാദിത്തബോധവും കാര്യശേഷിയുമുള്ളതും സാംസ്കാരിക സമ്പന്നരുമായ പത്തിൽ കൂടുതൽ അംഗങ്ങളെ 2025 ഓഗസ്റ്റ് 5-ന് മുമ്പായി എക്സിക്യൂട്ടീവ് വാട്സ്ആപ്പ് ഗ്രൂപ്പിൽ ചേർക്കേണ്ടതാണ്.
കൂടാതെ, ഓഗസ്റ്റ് 9-ന് ഉച്ചയ്ക്ക് 3 മണിക്ക് മ്യൂസിയം കെ.സി.എസ്. ഓഡിറ്റോറിയത്തിൽ ചെയർമാൻ ഡോ. എ. ജഹാംഗീറിൻ്റെ അധ്യക്ഷതയിൽ കമ്മിറ്റി വിപുലീകരണ യോഗം നടത്താനും തീരുമാനിച്ചു. ഈ യോഗത്തിൽ ഭാരവാഹികൾ ഗ്രൂപ്പിൽ ചേർത്ത മുഴുവൻ അംഗങ്ങളെയും പങ്കെടുപ്പിക്കേണ്ട ഉത്തരവാദിത്വം അതത് ഭാരവാഹികളിൽ നിക്ഷിപ്തമായിരിക്കും. വാർഷികവും ഓണാഘോഷവും നടത്തുന്നതിനായി പ്രത്യേക സ്വാഗതസംഘം കമ്മിറ്റിയും രൂപീകരിക്കും.
യോഗം കൃത്യം 2 മണിക്ക് ആരംഭിച്ച് 4 മണിക്ക് അവസാനിച്ചു.
റിപ്പോർട്ടർ: ചെമ്പകശ്ശേരി ചന്ദ്രബാബു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
newsquilon@gmail.commgpratheeshmail@gmail.comsaandesh@gmail.compratheesh.pgn@gmail.com janeeshanchumana@gmail.com janeeshanchumana@gmail.com hariprasadganga@gmail.com >, radiosaanthwanam90.4fm@gmail.com < radiosaanthwanam90.4fm@gmail.com >, < jerinjoy@mm.co.in >,