തിരുവല്ല: മലയാള സാഹിത്യത്തിനും കലയ്ക്കും വിലമതിക്കാനാവാത്ത സംഭാവനകൾ നൽകിയ ഡോ. ബി ജി ഗോകുലന്, തപസ്യ കലാസാഹിത്യവേദി കടപ്ര- നിരണം സമിതിയുടെ ഈ വർഷത്തെ "കണ്ണശ്ശ കാവ്യ പുരസ്കാരം" സമ്മാനിച്ചു. രണ്ട് ദിവസങ്ങളിലായി കടപ്ര- നിരണം മേഖലയിൽ നടന്ന കണ്ണശ്ശ കാവ്യോത്സവത്തിന്റെ സമാപന ചടങ്ങിലായിരുന്നു പുരസ്കാര സമർപ്പണം.
ഗാനരചയിതാവ്, കവി, സുദർശനം നേത്ര ചികിത്സാലയം എം ഡി എന്നീ നിലകളിൽ ശ്രദ്ധേയനായ ഡോ. ബി ജി ഗോകുലന്, 20001 രൂപയും പ്രശസ്തി പത്രവും ഫലകവും അടങ്ങുന്നതാണ് പുരസ്കാരം.
സാംസ്കാരിക സഭ ശ്രദ്ധേയമായി
പ്രശസ്ത സോപാന സംഗീതജ്ഞൻ ഏലൂർ ബിജു ഉദ്ഘാടനം നിർവ്വഹിച്ച സാംസ്കാരിക സഭയിൽ, തപസ്യ കലാ സാഹിത്യ വേദി, നിരണം യൂണിറ്റ് അദ്ധ്യക്ഷൻ അശോകൻ ടി വി അധ്യക്ഷത വഹിച്ചു.
മുഖ്യ പ്രഭാഷണത്തിൽ, കവിതയും സംസ്കാരവും സമൂഹത്തിൽ വഹിക്കുന്ന പങ്ക് തപസ്യ പത്തനംതിട്ട ജില്ലാ അദ്ധ്യക്ഷൻ എം എ കബീർ വിശദീകരിച്ചു. കാവ്യോത്സവത്തിന്റെ ഭാഗമായി നടന്ന കലാപരിപാടികൾക്കും സാഹിത്യ ചർച്ചകൾക്കും ശേഷം സാംസ്കാരിക കേരളത്തിലെ പ്രമുഖർ സമാപന സമ്മേളനത്തിൽ പങ്കെടുത്തു.
സമൂഹത്തിന്റെ വിവിധ തുറകളിലുള്ള പ്രമുഖർ ചടങ്ങിൽ സംബന്ധിച്ചു. അടൂർ ഗാന്ധിഭവൻ ലഹരി ചികിത്സാ കേന്ദ്രം മാനേജർ ശ്രീമതി രേഷ്മ എസ്, കൗൺസിലർ ശ്രീമതി രാജശ്രീ എച്ച്. കുമാർ, രാഷ്ട്രീയ സ്വയം സേവകസംഘം ശബരിഗിരി വിഭാഗ് കാര്യവാഹക് വിനു കണ്ണഞ്ചിറ, സോപാന ഗായകൻ ശിവകുമാർ അമൃതകല, സാമൂഹിക പ്രവർത്തകൻ മധു പരുമല എന്നിവർ ആശംസകൾ അർപ്പിച്ച് സംസാരിച്ചു.
ചടങ്ങിൽ തപസ്യ ഭാരവാഹികളായ ഉണ്ണികൃഷ്ണൻ വസുദേവം, വേണുരാജ്, ഗിജിൻലാൽ എന്നിവരും വലിയകുന്നം ഹരികുമാരൻ നമ്പൂതിരി, ഡോ. നിരണം രാജൻ, ബിജുകുമാർ പന്തളം, സുനിൽ കല്ലൂപ്പാറ, ബിന്ദു സജിവ്, അബിത കബീർ, അനിത കുമാരി, അജിത് നിരണം, രേണുക തുടങ്ങിയവരും പങ്കെടുത്തു.
കണ്ണശ്ശ കവികളുടെ സാഹിത്യ സംഭാവനകളെ സ്മരിച്ചുകൊണ്ടാണ് തപസ്യയുടെ നിരണം യൂണിറ്റ് എല്ലാ വർഷവും കാവ്യോത്സവം സംഘടിപ്പിക്കുന്നത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
newsquilon@gmail.commgpratheeshmail@gmail.comsaandesh@gmail.compratheesh.pgn@gmail.com janeeshanchumana@gmail.com janeeshanchumana@gmail.com hariprasadganga@gmail.com >, radiosaanthwanam90.4fm@gmail.com < radiosaanthwanam90.4fm@gmail.com >, < jerinjoy@mm.co.in >,