പ്രധാന വേദികളും സൗകര്യങ്ങളും:
പരിസ്ഥിതിക്ക് ദോഷം വരാത്ത രീതിയിൽ മൂന്ന് പ്രധാന കേന്ദ്രങ്ങളിലായി ജർമൻ ഹാങ്ങർ പന്തലുകൾ ഒരുക്കിയിട്ടുണ്ട്. പമ്പ മണപ്പുറത്തെ 43,000 ചതുരശ്രയടി വിസ്തീർണ്ണമുള്ള പ്രധാന വേദിയിലാണ് ഉദ്ഘാടന-സമാപന സമ്മേളനങ്ങൾ നടക്കുന്നത്. വിവിധ രാജ്യങ്ങളിൽ നിന്നുള്ള 3000 പ്രതിനിധികൾക്ക് ഇവിടെ ഇരിപ്പിടം ഒരുക്കിയിട്ടുണ്ട്. തറനിരപ്പിൽ നിന്ന് നാലടി ഉയരത്തിൽ 2400 ചതുരശ്രയടിയിലാണ് സ്റ്റേജ്. മീഡിയ റൂമുൾപ്പെടെയുള്ള സൗകര്യങ്ങളും ഇവിടെയുണ്ട്. ഹിൽടോപ്പിൽ പാനൽ ചർച്ചകൾക്കായി 4,500 ചതുരശ്രയടിയും ഭക്ഷണത്തിനായി 7,000 ചതുരശ്രയടിയുമുള്ള രണ്ട് പന്തലുകളുണ്ട്. പമ്പാ തീരത്തും ഭക്ഷണ സൗകര്യത്തിനായി 7,000 ചതുരശ്രയടിയുള്ള പന്തൽ ഒരുക്കിയിട്ടുണ്ട്. തിരുവിതാംകൂർ ദേവസ്വം ബോർഡിൻ്റെ പ്ലാറ്റിനം ജൂബിലിയോടനുബന്ധിച്ച് പ്രദർശന മേളയ്ക്കായി 2,000 ചതുരശ്രയടിയിൽ മറ്റൊരു പന്തലുമുണ്ട്.
ഹരിത ചട്ടങ്ങൾ പാലിച്ച് നിർമ്മാണം:
പമ്പയുടെ പവിത്രതയും മണപ്പുറത്തിന്റെ സ്വാഭാവിക ഘടനയും നിലനിർത്തി, ഹരിത ചട്ടങ്ങൾ പൂർണ്ണമായും പാലിച്ചാണ് പന്തലുകളുടെ നിർമ്മാണം. ഇൻഡ്യൻ ഇൻസ്റ്റിറ്റ്യൂട്ട് ഓഫ് ഇൻഫ്രാസ്ട്രക്ച്ചർ ആന്റ് കൺസ്ട്രക്ഷനാണ് നിർമ്മാണ ചുമതല. സംഗമത്തിനു ശേഷം പന്തലുകൾ പൂർണ്ണമായും അഴിച്ചുമാറ്റി, മാലിന്യ നിർമാർജ്ജനം നടത്തും. പമ്പയിലെ ശുചിമുറികളുടെ അറ്റകുറ്റപ്പണികളും പൂർത്തിയായി.
പ്രധാന സെഷനുകൾ:
സംഗമത്തിൽ മൂന്ന് സമാന്തര സെഷനുകൾ നടക്കും. ഓരോ സെഷനും ശബരിമലയുടെ വികസനത്തിലെ പ്രധാന വിഷയങ്ങളെ കേന്ദ്രീകരിക്കും.
ശബരിമല മാസ്റ്റർപ്ലാൻ: ഹൈപവർ കമ്മിറ്റി അംഗങ്ങൾ, മുതിർന്ന ഉദ്യോഗസ്ഥർ, നയരൂപീകരണ വിദഗ്ധർ തുടങ്ങിയവർ പങ്കെടുക്കും. അടിസ്ഥാന സൗകര്യ വികസനം, പരിസ്ഥിതി സംരക്ഷണം, തീർത്ഥാടകരുടെ ക്ഷേമം തുടങ്ങിയ വിഷയങ്ങൾ ചർച്ച ചെയ്യും.
ആത്മീയ ടൂറിസം സർക്യൂട്ടുകൾ: ടൂറിസം-വ്യവസായ മേഖലയിലെ പ്രമുഖർ പങ്കെടുക്കും. ശബരിമലയെ മറ്റ് ആത്മീയ കേന്ദ്രങ്ങളുമായി എങ്ങനെ ബന്ധിപ്പിക്കാമെന്ന് ചർച്ച ചെയ്യും.
ശബരിമലയിലെ തിരക്ക് നിയന്ത്രണവും സജ്ജീകരണങ്ങളും: പ്രമുഖ പോലീസ് ഉദ്യോഗസ്ഥർ, ആരോഗ്യ വിദഗ്ധർ, സാങ്കേതിക വിദഗ്ധർ എന്നിവർ പങ്കെടുക്കും. തീർത്ഥാടകർക്ക് മികച്ച സൗകര്യങ്ങൾ ഒരുക്കുന്നതിനും, തിരക്ക് നിയന്ത്രിക്കുന്നതിനുമുള്ള വഴികൾ ചർച്ച ചെയ്യും.
ചടങ്ങ് വിശദാംശങ്ങൾ:
രാവിലെ 6 മണിക്ക് പ്രതിനിധികളുടെ രജിസ്ട്രേഷൻ ആരംഭിക്കും. രാവിലെ 9 മുതൽ 11 വരെയാണ് ഉദ്ഘാടന സമ്മേളനം. തുടർന്ന് സമാന്തര സെഷനുകൾ നടക്കും. ഉച്ചഭക്ഷണത്തിനു ശേഷം ഗായകൻ വിജയ് യേശുദാസ് നയിക്കുന്ന സംഗീത പരിപാടി ഉണ്ടായിരിക്കും. വൈകീട്ട് 3.20ന് ചർച്ചകളുടെ സമാഹരണവും തുടർന്ന് സമാപന സമ്മേളനവും നടക്കും. പ്രതിനിധികൾക്ക് ശബരിമല ദർശനത്തിനും അവസരമുണ്ട്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ
newsquilon@gmail.commgpratheeshmail@gmail.comsaandesh@gmail.compratheesh.pgn@gmail.com janeeshanchumana@gmail.com janeeshanchumana@gmail.com hariprasadganga@gmail.com >, radiosaanthwanam90.4fm@gmail.com < radiosaanthwanam90.4fm@gmail.com >, < jerinjoy@mm.co.in >,